Ҳамоиши байналмилалиро ректори Донишгоҳи давлатии ҳуқуқ, бизнес ва сиёсати Тоҷикистон, профессор Шарифзода Муъмин Машокир ифтитоҳ намуда, иброз дошт, ки обшавии пиряхҳо раванди бисёр ҷиддиест, ки онро наметавон бо баргузор кардани чорабиниҳо дар доираи як сол ва ё чандсолаҳо пешгирӣ намуд.

Ҳамин тариқ, дар баробари дигар олимон ва муҳақиқон номзади илмҳои техникӣ, директори Маркази рушди инноватсионии илм ва технологияҳои нави АМИТ Анвар Қодиров таҳти унвони “Тағйирёбии иқлимӣ ва таъсири он ба ҳолати пиряхҳои Тоҷикистон” баромад намуданд.

Дар натиҷаи конференсия пешниҳод шуд, ки талошҳои зиёд, давомдор ва муштарак, аз ҷумла ҷиҳати пешгирӣ кардани гармшавии ҳарорати ҳаво лозиманд, то ки суръати обшавии пиряхҳо коҳиш дода шавад.

Иброз шуд, ки об барои рушди ҷомеаи инсонӣ нақши муҳим ва ҳалкунанда дорад ва ҷамият дар тӯли ҳазорсолаҳо обро ҳамчун сарвати муқаддас ситоиш ва тараннум мекунад, ки мардум аз қадимулайём дар назди ҳавзаҳои обӣ маскан мегирифтаанд.

Имрўзҳо бинобар афзоиши суръати аҳолӣ, рушди иқтисодӣ ва дигар мушкилоте, ки ба захираҳои табиӣ ва арзиши об таъсир мерасонад, ба маротиб зиёд шуда истодааст.

Дар натиҷаи конференсия директори Маркази рушди инноватсионии илм ва технологияҳои нави АМИТ Анвар Қодиров бо Сипосномаи ректори ДДҲБСТ қадрдонӣ карда шуд.